Google er í miðju sólkerfisins sem öll umferð á vefnum snýst um.

Það kemur ekki á óvart að Google sé mest heimsótta vefsíðan á netinu og er svo samtvinnuð okkar daglegu internet notkun að við hugsum varla um hana sem vefsíðu, hún einfaldega „er“. Því er gríðarlega mikilvægt fyrir öll fyrirtæki og stofnanir að vera með góða stöðu á Google.

Þegar vefsíðunni þinni hefur verið hagrætt fyrir leitarvélar, er ekki hægt að staldra við og reiða sig einungis á lífræna traffík. Samkeppnin er hörð og því þarf að notfærir sér auglýsingar á Google, þannig stekkurðu fremst í röðina og getur birst (lang)efst í leitarniðurstöðum.

Við hjálpum þér að einblína á þau leitarorð sem skipta mestu máli fyrir þitt fyrirtæki svo þú getir verið viss um að tilvonandi kúnnar sjá þitt vörumerki fyrst á lista þegar leitað er að þeim vörum eða þjónustu sem þitt fyrirtæki bíður upp.

Auglýsingaherferðir á Google eru margslungar og fara um víðan völl. Þær birtast ekki einungis á leitarsíðunni, heldur getur þitt vörumerki birst á Google Maps, Gmail, Google Discover og hinum ýmsu vefsíðum og öppum sem birta auglýsingar í samstarfi við Google.

Ekki má gleyma að Youtube tilheyrir líka Google, og við leggjum áherslu á að það sé samræmi á milli auglýsinga hjá þínu vörumerki, alls staðar þar sem þær birtast.

YouTube auglýsingar geta verið af ýmsum gerðum. Stundum er það fljótleg leið til þess að að vekja athygli á tímabundnu tilboði eða stuttan skráningarfrest á atburð eða námskeið.

Í öðrum tilvikum er hægt að nýta sér YouTube til þess að hafa stöðuga viðveru á vinsælum miðli og halda uppi vitund á vörumerkinu á meðal fólks.

Næst þarf að skapa frábærar 5 sekúndur af efni sem kemur skilaboðum fyrirtækisins til skila og helst þannig að notandinn dvelji lengur við áður en skip-hnappurinn er mundaður.

Hér&Nú getur unnið hugmyndavinnuna og framleitt efni frá grunni, hvort sem það sé kvikmyndað eða skapað í tölvu. Einnig getum við einfaldlega tekið við tilbúnu efni og verið viss um að það skili sér til tilvonandi viðskipavina.

YouTube er hægt að nota sem aðal miðil fyrir auglýsingaherferð, sérstaklega þegar beint er að sértækum markhópi, en í öðrum tilvikum virkar YouTube vel sem auka miðill við stærri markaðsherferð, þar sem auðvelt er að endurnýta efni sem framleitt er fyrir sjónvarp og nota það á YouTube líka.